覺得依家Tomorrowland 變得有趣嘅地方, 係本來馳車天地佔用園區較大嘅空間, 而清拆呢個遊樂設施後嘅園區規劃潛力就增加.
紅色虛線: 馳車天地原有範圍
紫色範圍: Stark Expo 範圍
藍色範圍: 從提交到立法會嘅文件中, 顯示為樂園可擴建嘅空間
黃色範圍: Tomorrowland 未被Marvel 主題滲入嘅地方
綠色範圍: 馳車天地已清空用作擴建嘅地方
如之前所講, 樂園鐵路嘅存在變成香港迪士尼開幕後園區規劃時嘅土地分割線, 而Tomorrowland Autopia 呢個位置係全個樂園最多路軌嘅地方. 原本2016年園方發佈嘅Avengers Quinjet 計劃中有機會起一座建於鐵路上嘅建築, 打破路軌所造成嘅規限. 但假如呢個計劃真係冇咗, 而又假如最終呢個新建設施範圍 (先唔好理係唔係Tower of Terror) 就係現時馳車天地已清空嘅綠色部分. 其實亦係跟隨緊樂園鐵路為分割線嘅規劃.
傳聞中, 亦有指現時完成清空嘅綠色範圍已足夠起到一座Tower of Terror.
綠色範圍雖然只用咗馳車天地一半, 但相對藍色土地嘅範圍就大咗. 而藍色位置被兩段樂園鐵路同巡遊路線分割, 成為一個獨立空間.
覺得Tomorrowland 依家變得越來越有趣嘅地方, 係已知紫色同綠色位置係Marvel 園區範圍, 但Tomorrowland 餘下嘅黃色範圍會唔會都改成Marvel 主題? 而被分隔開又擴大咗嘅藍色位置又可以有咩發展? Jedi Training 撤出後, 呢個演出位置嘅改變或者可以提供到少少啟示.
雖然2016 年發佈嘅概念圖中Jedi 位置顯示為Marvel 擴建區, 但假如成張概念圖都已不能作準嘅時候, 不妨睇睇實際嘅改變.
Search